Salum kata na mayu kasha (5)

Ya hte tup Myen Sawa ni hte ginrang hkat nna aten n lu mat ai raitim, Mali Panlawng hti shawa manaw manang ni hpe matut tsun dan mayu ai mau byin naw ngam taw ai hpe gaw galoi mung dum nga nngai. USA, Thai, Malaysia, Japan, Singapore, Myanmar, India, China, shara shagu hkan na ni, sa tam gawm taw taw re ai hpe mu hkrup nna, grai myit n pyaw ai hte, laksan aten la nhtawm, ndai mau byin hpe bai matut dat nngai re.

****
Manang wa AhDi tsun ai mau byin bai matut.....

Dai zawn, Ahling hte Mawdaw rau jawn hkrup ai kaw nna, Mawdaw hkring taw ai ten ni hta raitim, shi hte ngai galoi mung rau sha tsap, rau sha hkawm, rau shaga rai nna, grai hkau mat saga ai. Kaja nan shi gaw manang n lu ai she rai nga ai. Ya du hkra shi hkau ai manang ajet ngu na langai mung shi makau kaw n sa wa ai hpe yu yang, shi manang ajet ni n hkan byin mat ai gaw teng nga sai. Majoi na chye hkat ai manang ni sha lawm nga ai. Dai majaw mung nye makau kaw shi hkan tsap nang nga ai hpe maram yu lu nngai. Anhte Laiza manau pa kaw jahkring mi hkring sa ga ai... Shaloi mung shi hte ngai rau sha rai nga ai.... Matut nna Lung Chuan de lai na matu Miwa hkran de rap nhtawm, Miwa hkran maga na tau la ai mawdaw hpung ni a makau kaw yawng tsap marawng let, woi awn ai ningbaw ningla ni hpe lat taw ai ten....

Salum Kata Na Mayu Kasha (4)

Manang wa Ah Di hte rau Ja Nga Run Shat seng de dinghkren mat saga ai.

Beer ni htet da rai nna, shan jahkraw loi mi hte manang wa na maumwi madat na matu myit da nga nngai.....

Shat Seng a ntsa htap de laksan shara la da ga ai. Mung jahta pyaw na matu mung rai nga ai.

“Hkau Di, tsun sanu le... ya shat mai ni gaw galaw nga ding yang rai nga ma ai.. Beer shawng lu magang ga...”
“ok... hkah.......... gara kawn hpang ai baw wa i......”
“nang kam ai kawn hpang dat u law..........”
“umn......ok........ ndai hku .........”

********
Ah Di a sakse hkam ai lam ni ..........


Ah Di ni Myitkyina Dakkasu 1st year shaning rai nga ai...2006 ning rai na sai... JLH (Jinghpaw Wunpawng Laili Laika hte Htunghking Hpung) hku nna woi awn let e...... Miwa Mung na Lung Shawn ginwang manau poi de sa woi ma ai..... dai shaloi lam kaw nna hpang wa ai mau byin gaw, Manau poi ngut du hkra rai nga ai......

Salum kata na mayu kasha (3)

“Ok... ok... rai sai rai sai.... shang wa ra ai...”

“hpa baw wa shang wa ai ta........ yu i............”


“mana kasha e........ Awn le Awn............ Facebook kaw shang wa sai...”

“dai hku ngu le... ngai pyi grai kajawng kau sai......... hka! yen yu deng....”

“lawan shaga mu re lu.......... nau n na yang rung lithkam Du kaba bai du wa na ra ai...”

“ngai chye na ai law......... raitim nau na wa yang gaw shadum la le yaw....haahaa”

Manang wa kaw nna computer gare la let... Awn hte shaga na matu computer shawng kaw dung dat ai hte... salum ni nau gari mat nna, lata hpe keyboard ntsa kaw mara na pyi n gwi mat ai zawn she nga mat ni ai..... hkum ting nshung si she marawng mat sai......

Salum Kata na Mayu Kasha (2)

Dai ni gaw, Awn hpe online kaw hkrum lu na matu myit mada nga nngai. .....
Mani sha shawnglam (Lapu Pan Majan) kaw nna bai du wa ai shaloi, Laiza Muklum mung moi na zawn n nga mat sai. Shara shagu katsi katsang nga nna, masha pyi nau n nga mat ai zawn nga hkam sha nngai. Grau nna gaw Laiza Gat wan hkru mat nna rai sam ai, hpaga ga ai masha ni nau n sa mat sai. Moi ya sha Yin Jang kaw Kanang Nawn kaba byin lai wa ai majaw, masha 20 jan si mat nna, dum nta ni daw aru mat ai majaw, dai shara de sa sa wa wa galaw nga ai lungseng hpaga num/la ni mung yawng gaw Muse hku nna Shweli de she sa sa wa wa galaw sai lam chye lu ai.

Salum kata na Mayu kasha (1)

Awn.... ngu ai mayu kasha a lam hpe “Mayu Kasha Hpe Dum Shagu” series kaw anhte chye chyalu rai na re ngu kam nngai. Ya gaw, online kaw bai hkan tam nga ding yang hta, Awn hte bai lu hkrum na rai sai.
Myitkyina kaw nna Kampaiti sa lam lapran na Sadung Bum mayan hkan, nanghpam lusha ninghkap masing hte seng nna shawng lam hkawm nga ai ten, n myit mada ai sha Dai Lawn Rung kaw bungli ang ai nye Du manang langai mi ngai hpe Wireless (Walki talki) hte ga shaga wa ai.
“Jaugawng Jaugawng,........... na ai kun........”
“na ai na ai...... gindai.... tsun u......Jaugawng madat nga ai.......”

Myu Tsaw Brang Ni A Ladat

Anhte hpyen dap kaw gaw La ni hte Num ni rau nga sai i, nga yang lam amyu myu hku shatu shala hkat nna nga ai mung pyaw hpa langai mi rai nga ai.

Kalang mi manang langai gaw shi a hpyen lapu (Pan) sumbu hpe kata de waw da nna, num ni hpawng nga ai kaw dingsang sang Jumdwi Tawng (Candy) sha dan ai. Shaloi gaw, Hpyen dap kata na num ni yawng mung grai sha laru ai hkrai re majaw, shi kaw kashun kashe hpyi sha sha re ai akyang nga malu ai. Dai hpe chye ai majaw, shi gaw dingsang shi a hpyen labu sumbu hpe waw da nna, dai hku sa hkam ai rai nga ai. Shaloi mung, kaja nan Hpyen num ni yawng sa majaw nna, shi kaw sa hpyi sha masai, shaloi, shi gaw ngai na lata n rau ai, nanhte na nanhte Pan sumbu kaw na manaw la mu, ngu dat ai. Shaloi she Num ni langai hpang langai lata hte manaw dat ma ai. Kata kaw shi labu kasha mung n bu da ai re majaw, Hpyen num ni a lata yawng gaw shi lareng kaw sa magra hkrup ai. Raitim, kadai mung shada da bai n tsun dan hkat ai sha yawng hkrup sha ai rai nga ai. Yawng ngut yang she shi hpe jawm ahtum ma ai. Mana kasha!........da.... kaning mi ngu ngu, ngai hkau wa gaw pyaw dik sai miman hte hprawng pru mat nu ai.........