Num hte La, ngu ai hpe hpan da ai Karai Kasang gaw mau hpa wa rai nga ai. Shinggyim masha shagu hta myit kraw lawang kaw nna katu pru wa ai nsen hpe Num/La kanawn ai shaloi na chye nga ai.
Ngai nnan shabrang tai wa ai ten hta, salum kata na kraw madai ai nsen hpe nau n chye na nngai. Nye a sumtsaw jan gaw ngai hta grau kaba ai re majaw mahkrum madup grau law ai. Shi hte rau kanawn mazum ai ten ni hta, shi ngai hpe tsun ga ai "ga" langai mi nga ai. Dai gaw, "nang kaw kaja nan kraw kata na nsen n lawm ai, majoi pyaw daw kadaw ai sha re" nga ai. Ngai mung dai ten n chye na nngai. Num ngu ai hpe tsawm yang tsawra na, rau kahtep yang masawp hkrup na, dai hta lai yang kajam hkat na, ladat amyu myu hte aten na na lu galaw yang lahkawng yen hta pyaw hpa lam ni, myit dik shara ni lu la nna, kaja nan tsawra myit ajet pru wa ai re, ngu nna kam lai wa nngai. Dai hte maren, ngai mung shakut ai, shi hpe aten na na galaw shakut ai, shi mung mahkrum madup nga ai hte maren, grai pyaw na zawn re ai ladat ni hte ngai hpe lu gasup ya nga ai. Raitim, hpa majaw shi dai hku tsun ai kun? ngai n chye na nngai.
Ya she,..
Shi..(shi ngu ai Ah Myaw) hte hkrum yang she kaja nan kraw kata madai nga nngai....
Ah Myaw hte nnan hkrum ai ten hpe malap n lu ai. Marang htu ai lani mi, Jawng kaw nna wa lam hta, Dakkasu Jawng lam kaw na lusha seng langai mi hta, marang gaw shi shi rai nna, ngai dung nga ai shara de lagat shang bang wa ai hpe dum nga nngai.
Seng ting gaw masha hkrai hpring chyat rai nna, marang shingbyi nga ga ai. Ah Myaw hpe yu yang Jinghpaw labu hte mawn sumli da ai majaw, Jinghpaw shayi sha rai na re ngu nna, Jinghpaw ga hku, "aw.. ah hkri, ndai kaw sa dung rit le, ngai hkrai re," ngu shaga dat nngai.
Shi mung makau grup yin yu nna shara kaga n mu tam ai hte, ngai shaga ai shara de sa dung sai... ngai hpe n yu gwi ai zawn zawn rai nna, madi taw ai kara kata kaw nna lagu yu nga ai ah Myaw a myi man nsam hpe malap n lu sai. Grau nna gaw, marang hka hte madi nga ai shi gawng shing-yan ting hpe yu hkrup dat ai shaloi gaw, nye masin salum ni, kraw salum kata n chye tsun ai zawn nga hkam sha mat ni ai. Marang htu nna kashung nga ai pyi kanang rai mat sai kun? Salum kata gaw alum nga nna hkam sha nga nngai.
Aw.. mying gara hku shaga ai baw rai kun?
aw..ee. .. Ah Myaw nga ma ai. Bawm Myaw re...
Kadai kasha kun i?
Lagwi kasha re....
aw..ee... Kahkri she ang ai...
Ah Myaw gaw n chye shachyen ai law... Ah Tsa nang chye ai hku shachyen la rit...
Ngai na mying gaw Tawng La, nga ma ai... Maran kasha re....
Hpa baw Major kun?
Chemistry re.. dai ning sha lung hpang ai...
aw.. e e.. karum ra ai lam nga yang tsun rit le yaw.. Ngai gaw dai ning ngut sana re...
e law........ grai kabu sai.. Ah Myaw pyi manang n lu taw nna... Tsang Shi du hkra Maymyo kaw hkrai sa lung nna le, ndai Mandalay kaw manang n lu ai.... Manang langai sha nga ai wa, ya mung shi sa woi la na nga nna lat taw ai wa n pru wa ai le... grai na hkra lat kau sai..
Aww.. manang lat taw ai i.. ngai kaw Cycle lawm ai le.... gara de sa mayu ai.. ngai hkan sa na le... Jinghpaw shada she re gaw.. karum hkat na rai nga ai...
e law.. chyeju kaba sai.. mai byin yang gaw Hostel de wa mayu ai.. Tuition hpang hkrat wa nna le..
Aww.. e e.. mai ai, saw sa saga..
Dai hku rai nna, Ah Myaw hte n myit mada ai hkrum hkat ai gaw.. shi ngai nga ai gawk de jahkring hkring sa byin ai ten ni pyi n dum shamyi shata 3 ram rai wa sai...
Ah Myaw hte hkrum shagu, shi hte nnan hkrum ai shaloi, marang hka hte madi nga ai shi a gawng shing-yan hpe hkrai shingran mu nna, nsa kaba shaw nga nngai...
Maidang gaw pau pau rai nna, marang hka madi taw ai palawng kata kaw na kata palawng hte magap da ai chyu tauba hpe hkrai shingran mu nngai. Shan gaw ahpraw rai nna, myi man nsam gaw kawlakai sawn nga ai.
Bai nna, Ah Myaw hta malap n lu hpa langai nga ai.. dai gaw .. shi a hkum sama re... shi hte rau kahtep dat shagu shi a hkum sama kaw nna n kam hka mat ai...ahpum mayu ai myit ni sharang da n lu na zawn she hkam sha nga nngai.
Lani mi......marang bai htu wa ra ai...
Ngai hkrai shap rawng ai apartment gaw shinggan de marang htu tim, kata kaw grai simsa nna yup pyaw nga lu ai shara rai nga ai... n myit mada ai sha chyinghka akawk ai nsen na sai... La manang ni shadu nna... yup nga ai kata labu hte chyinghka sa hpaw hkrup dat ai shaloi gaw... n myit mada ai ... Ah Myaw wa she rai taw ai... Shi mung ngai chyinghka sa hpaw ai n shadu sam ai.. marang madi mat ai shi hkum ting hte kanawng shang wa ai hte hkrak rai nna... ngai hte sa kapum hkat mat sai...
Ngai mung kajawng nna galau mat ai kaw Ah Myaw mung ngai shakrin (kata labu..CD) hte sha nga taw ai hpe mu nna kajawng ai hte... ngai na ntsa kaw galau bang mat ai gaw.... n dum shami shi hpe ahpum da ai aten loi pyi na mat sai..
Tsa Tawng La.. dat sanu le... Ah Myaw marang htu nna, jawng n lawm sa ai majaw nang kaw gan shang wa ai ngu ai wa...n myit mada ai ndai zawn.....
Ngai n kam tat sai.. Ah Myaw hpe dai hku sha ahpum da mayu mat ai le....
"Ah Myaw hpe grai tsawra ai..." ngu nna ga tat kau ni ai... Ah Myaw mung hpa tsun na re nga pyi n dum kau sam ai... shi baw hpe ngai na sinda kata de makoi da ai majaw shi a nsa sa ai salu hte alum nga hkam sha nga nngai.
Num/La kanawn mazum ai hte seng nna moi na sumtsaw jan hte akyang lawm chyalu re majaw, Ah Myaw hpe gara hku masawp masin di kau sai kun pyi n dum kau ni ai... hpang jahtum an lahkawng yen dum wa ai gaw.. ngai na yupra n tsa kaw lahkawng yen labu palawng shakrin hte yup gumba taw ai she rai taw sai...
Dai ten kaw nna Ah Myaw hte jahkring hkring ngai na gawk kaw rau yup byin ga ai... Ah Myaw hta galoi n wai hkraw ai hkum sama lawm nga ai. Ah Myaw a sai shan hpe sha marit nga nngai. Ah Myaw hpe sha hpang gara chye nga sai... Ah Myaw a hkumshan hpe ahpum da nna... shi a numhkrang de ngai na la-hkrang dip bang da lu yang she myit dik na zawn nga hkam sha nngai... Dai zawn dip bang da ai ten ni hta Ah Myaw a myi man nsam ni ahtoi ahkyeng rai nna... ngai hpe gari kawa rai nna yu nga ai hpe galoi mung malap n lu nngai....kawlakai sawn ai le... Ah Myaw hte rau n re ai shana ni hta garen ai zawn mung nga hkam sha nngai... kaja nan teng sha tsun lu ai gaw... Ah Myaw hte rau ahpum nna yup nga ai ten ni sha hpraw san ai salum nsen ni na hkrup nngai...
No comments:
Post a Comment