“Ok... ok... rai sai rai sai.... shang wa ra ai...”
“hpa baw wa shang wa ai ta........ yu i............”
“mana kasha e........ Awn le Awn............ Facebook kaw shang wa sai...”
“dai hku ngu le... ngai pyi grai kajawng kau sai......... hka! yen yu deng....”
“lawan shaga mu re lu.......... nau n na yang rung lithkam Du kaba bai du wa na ra ai...”
“ngai chye na ai law......... raitim nau na wa yang gaw shadum la le yaw....haahaa”
Manang wa kaw nna computer gare la let... Awn hte shaga na matu computer shawng kaw dung dat ai hte... salum ni nau gari mat nna, lata hpe keyboard ntsa kaw mara na pyi n gwi mat ai zawn she nga mat ni ai..... hkum ting nshung si she marawng mat sai......
“hi... Awn... dung nga ai kun?”
“hi. .. e ... a gu i...... hw r u?”
“e Awn i....”
“re le......a gu wa mung nmatsing shai e.......”
“aga..... Awn... nau she matsing dik gaw e........ nang English laika ni hte ka wa nna kajawng taw ai rai nga ai....”
“mon taw nna le....”
“Awn.... Ahgu hte gaw Jinghpaw hku sha ka shamawn u le yaw...”
“e lo... agu gaw pha ni glaw taw ai lo.....”
“Shanglawt Hpyen La le...”
“re i....... Hpyen Du nre i........”
“re law... Lat Du sha naw re...”
“aww re i.... agu phe krai dum ai lo.....’
“Ahgu mung n dang tsun hkra dum ai le.... “
“awn pe malap kaw sai kon ngu le....’
“Awn nang na Jinghpaw Laika ngai nau n chye hti nga ai le.....”
“aw.. re i... sut ia ngu.....”
“grai she shut nga ai....”
“shrin ya rit le....”
“Jinghpaw laika kaw ‘n’ lang ai hte seng nna, grai chye na ra ai.... ‘n’ hpe san san ka yang gaw ‘ningdang ai’ (English hku ‘not’ lachyum re.... dai ‘n’ hpe sha ka-yep nna ka yang gaw lachyum amyu mi rai mat chye ai. .... lawu kaw na ga shadawn hpe yu u..
Ga Shadawn, ‘n re (no), n ra ai (I don’t like), n kam sha ai (I don’t want to eat)’,
Bai nna, “nhtawm, nna, nhten” ni gaw ga matut (conjunction) hku lang ai lam rai nga ai.”
“aw... re i... awn gaw n chye ai lo.... nkau ni gaw loi daw ka ai ngu ai gaw akyang lawm mat ai....”
“bai nna, mying ni hpe ka yang shawng kaw na laika si hpe kaba hku ka ra ai yaw.... e.g. “Awn..., Seng..”,
“ndai pyi maigan du nna she online kaw manang ni hte chating glaw nna sharin la ai she re gaw...”
“e e.. hkrak ai le... Jinghpaw shada hkrum yang gaw Jinghpaw laika hku ka hkat yang kaja dik re.... tinang amyu laika ngu ai gaw gara shara de du mat tim mazing da ra ai. .... anhte Jinghpaw laika gaw kaga amyu ni hta nga yang online kaw lang manu dik re majaw,,... Karai Kasang hpe pyi chyeju dum ra ai..... ndai laika gyin shalat ya ai Sasana Sara kaba ni hpe mung grai chyeju dum ra ai......”
“rai nga ai.. Awn gaw dai ram n chye myit ai........”
“Awn hpe grai marit ai le.......Ahgu hpe gaw dum ai i...”
“n dum ai gaw shum nga u ga le.... Awn na prat hta jau dik shang wa ai gaw Ahgu sha re gaw....”
“ya hpang bai shang ai nga sai ngu......”
“nga gaw she nga le.... raitim, Awn na slum hpe n lu shmu ya lu ai.....”
“dai kaw rau nga ai manang ni i.....”
“mungkan ting na....”
“ha.... aw... e le... nanhte gaw online kaw aten tup dung nga ai gaw.... online manang ni she n re i... ya pyi jahpawt jau jau kaw nna online hpaw sai n re i......”
“Jahpawt daw loi mi rau ai ten hpaw kajam chyai ai ga le.....”
“rai sai le... ndai ten galoi mung dung ai i.......Ahgu lat taw na le...”
“mai ai le....”
“Awn... Myen Mung wa na nga na ai le....”
“e le... myit gaw myit da ai......”
“galoi hkan wa byin na rai?...”
“dai ning laman gaw rai na re........ passport gaw lu da sai......”
“shaloi gaw............ lawan wa rit le.........”
“wa gaw she wa mayu le..... jawng n dat shi nna......”
“aw....... jawng lung taw ai i.....”
“re... Asuya ni lung shangun ai ten hta sha pyi sharin la na ngu nna le...”
“galoi hkan jawng dat na rai?.......”
“Jawng gaw June shata hkan she dat na re.......”
“aw.. re i.. shaloi gaw June kaw wa byin hkra wa rit le..........Laiza hku nna wa yang grai loi ai gaw........”
“re.. manang ni mung dai hku wa wa rai ma ai ........”
“Awn wa yang Ahgu hpe jahkrum da na hkum malap re lu yaw...........”
“Awn she wa teng yang gaw Ahgu hte hkrum mayu ai san san sha rai na re..........”
“ha...... grai kabu sai.... Ahgu gaw Awn hpe grai hkrum mayu ai....... Awn hte rau nga ai ten ni......... Awn hte gawk kaw rau rawng taw ai ten ni......... yawng yawng le.......”
“Awn na hkum hkrang hpe sha marit ai wa n re i..........”
“dai gaw n re le....... Awn hpe kaja wa nan grai tsawra ai............ Awn hpe hkrai marit ai........ ngai na hkum shan yawng mung Awn hpe sha hpang gara taw nga ai le........”
“re ngu....... Ahgu grai chye tsun sai i.........”
“chye tsun ai n re law....... kraw kata kaw byin nga ai hpe hpaw tsun dan ai sha re.......”
“Awn ma Gu hpe grai marit ai..............kaga sumtsaw pyi chye lu na zawn n ngu sai........”
“kaga sumtsaw hkum tawn sanu le....... Gu kaw wa rit le..........”
“Awn hpaji hkum hkra naw sharin la na law........ Awn ma ndai kaw Dakkasu jawng langai ngai kaw na degree langai ram lu yang gaw anhte Jinghpaw Mung kaw lama ma social bungli wa galaw mayu ai.....”
“ha....... grai hkrak ai masing rai nga ai le........Awn hpe grai hkungga mat sai....”
“kaja tsun ai re lu........Awn ndai America kaw n pyaw dum ai......... masha ni yu kaji ai hpe n kam hkam ai........”
“dai she rai le... tinang amyu hta lai nna, nanhte hpe manu shadan na kadai nga na law...........”
“aw...........Gu... Awn jawng sa hkyen ra sai.........bai hkrum ga yaw....”
“aw re i.. hkrum pyi n law shi ai.......... grai tsaw ra ai yaw Awn......”
“kam sai law.......fly kisssssss....heehe”
“ok...... bye bye....”
Awn ngai hpe ‘fly kiss’ nga nna shala dat ai shaloi ngai hku nna hpa bai tsun na re, nga pyi n chye mat ai... hpang jahtum gaw bye bye sha ngu kau dat ni ai....... kaja wa nan Awn hpe grai tsaw ra mat nngai.....
Shaloi she makau kaw gum dagup nna yup nga ai manang wa hpe dum dat nna...............
“hey.... rawt sanu rawt sanu...........”
“aaah... ngut sai i.........ala........... na na ai wa.......”
“re i......... ngai grai na mat sai i..........”
“htaw ahkying yu yu le..........”
“aw rai nga....... shana hkying 9 pyi rai mat sai gaw........... saw le.. shat sa sha ga....... dai na sha gaw ngai daw na law..........”
“nang n daw mung n mai sai......... ya gaw anhte na dap kaw shat shadu ai ni yawng zing sana re........”
“ok.......... saw.......”
Galoi mung hkoi sha sha re ai shat seng de rau sa mat saga ai............ shaloi lam kaw shi tsun ga ai shi a Num hte seng ai mahkrum madup hpe san na matu myit lu dat nngai......
“Hkau Di.. nang Num hte seng nna mahkrum madup nga ai nga ya tsun dan rit le...........”
“nang nang wa mung gau ngwi le........... beer lu ai sha n rai yang tsun n pyaw ai gaw........”
“shaloi gaw shat seng kaw tsun dan na i...........”
“Kaga masha ni grai law na rai nga ai le......... Ja Nga Run ntsa htap kaw sha mi n rai yang gaw....”
“dai kaw manu grai hpu ai law..........”
“n tsang ra ai....... nye Du kaba wa na mying tsun nna sha da gaw e..........”
“ha ha...... hkrak dik sai...........”
Ja Nga Run de...........
(bai matut na nngai)
No comments:
Post a Comment