“...aw..... Awn...
yet hkring nang bungli jin yang Gu na gawk de shang wa rit le yaw.. ..
dai ni gaw Gu mung gara de n sa sai..
nang hpe Compuer laika kayet ai sharin da ya na...”
“e law.. mai sa... chye ju kaba yaw...”
Awn chyawm gaw Computer lu sharin na rai nna pyaw taw sam ai... miman nsam ni mani sumsai hte shat ban ni hta zing nga sai...
Ngai mung nye yupmang hte ngai pyaw ai zawn zawn, myit ung ang ai zawn zawn, hkrit ai zawn zawn, n chye shamying ai namchyim hte htuk htak nga nngai.... gara hku shawng hpang ai baw i... kaning wa di yang htuk na i... shi pawt mat na mung tsang.... sumtsaw ga shawng tsun ai baw i... majoi mi ahpum dat ai baw wa i.. ha... n loi ai she rai nga ai law...kaja nan ta tut hpang na n loi nga ai...
Dai hku myit nga ninglen Ja Awn ngai na makau kaw na ban sa hta la ai shaloi gum dat ai majaw kata palawng kata kaw na hpraw san ai shi a chyu tauba kasha hpe bai mu dat nna kraw kata kaw gaw wanleng latsa ram gumrawt lagat hkawm ai zawn she nga sai... shi a hkum sama ni mung lu wa ai zawn zawn... shi bai nhtang pru mat wa ai shaloi shi hpang hku mai dang shan pau pau re ai hpe sha pyi yu let, nye a lareng wa gaw majoi she gumlang taw nga sai....
Um... hpa mi nga nga .. dai ni gaw bungli hpang byin hkra shakut ra sai... ...
....................................
Kawk... kawk... kawk...
“aw.. Awn i...... shang wa rit le...”
Chyinghka hpaw dat ya ai hte mani sumsai mi man, hpraw san ai shabyi shan hte, kaw lakai re ai gawng shingyan gaw ngai hpe rim da sai.....
“Gu... ... Gu.... hpa na dai ram yu taw ai mi....”
“aw... e e... n re.. hpa kun n chye sai.... sorry law....”
“Gu wa mung, n mu ga ai zawn rai nna yu she yu taw ai le...”
“e le... nang dai ni gaw shawoi na hta loi mi jan jan rai nna tsawm taw nna yu nan mat ai ga rai nga..”
“ha...... Gu wa mung.......hpa ni tsun taw ai kun.....”
Kaya miman hte ngai hpe shingdu kayin da sai... ... ngai mung Computer jak hpaw nna loi mi lat nga ai laman, ...
“Awn... Awn... sa wa rit le....”
“oi... Awn hpe shaga ai i.......”
“e le... ndai gawk kaw Gu hte Awn an lahkawng sha nga ai... Awn hpe n shaga yang kadai hpe shaga na mi....”
“aw.. n re... sorry...... Awn mung hpa ni myit taw ai kun n chye sai...”
“ma naw she re ai wa dai ram ram myit ai ngu........”
“n re law.. hpa n myit ai.... majoi mau nga ai she re..........”
“bai sa wa rit... ndai kaw dung u...........”
Shi hpe computer shawng kaw na dung lahkum kaw shadun let... Computer lang sharin na matu matsun dat ni ai.....
“Agu gaw n dung ai ngu...”
“ngai na gawk kaw dung lahkum ndai langai sha nga ai...”
“ha.. dai hku nga yang Agu dung u le....”
“ngai gaw hpa na dung na mi... ngai sharin na mung n re me...
.. nang hpe sharin ya hkyen nga ai le.... dung u.. hpa n ra ai...”
Shi gwi n gwi rai nna ngai tsap nga ai shawng kaw na dung lahkum kaw dung let computer maga man yawng dung nga sai..
“Computer lang ga ai i.....”
“nh...umm...”
“Computer kaw laika kayet na rai yang Computer a hkrang hpe shawng chye ra ai yaw.....”
“umm..”
“bai... nang na hkum hpe shawng ading sha di da u.... ndai lahpa hpe sharawt.............”
Ngu nna shi lahpa lahkawng maga tek jum let shading ya ai shaloi.. shi loi mi gari kawa rai nna shading nu ai.. la kasha ni jum ai hpe n hkam ga yu ai rai nga ai....
“dai ngut nna.... ndai gaw Mouse da..... Yu n re yaw... Computer kaw na pointer hpe shading ai arai re.. ndai hpe jum ai shaloi ndai hku di u....”
Ngu nna shi hkrak lata hpe jum let mouse ntsa kaw mara ya sai...alum nga nna, akya sha nga ai lata hpe tat kau na pyi n ja na zawn she nga reng sai.... shi hkum sama wa mung ngai hpe ndi nda she nga hkra garim da sai law... salum kata mung majoi she htuk htak nga sai.. sharang u.. sharang u... aten galu a matu myit ra ai yaw.... nye hkum e...
“dai hku sha jum da ai baw i.....”
“aw.. e e.. n re ....ndai “pai” maga na hpe gaw “left click” da...
....dai hpe dip ai shaloi ndai hku abwi sha yaw....
.... shaja n ra ai...ndai hkra maga na hpe gaw “right click” da......
... kalang lang sha ahkyak ai wa re. Law malawng gaw “left click” hpe sha lang ai.”
“umm..”
“ndai hku.... ndai hku.. sit chyam yu u le...... mu ai n re i....
.... e e dai ya nang mu nga ai hpe gaw “pointer” da... nang hpaw mayu ai program ni.....
..nang hpaw mayu ai file ni hpe ndai pointer hte shading la nna left click kaw lahkawng lang grai lawan nna.. ndai hku... dip dat yang hpaw wa ai.. dai hpe gaw “double click” nga ma ai...”
“umm...”
“bai chyam yu u.......nang hkrai”
Dai hku ngu nna, mouse lang sharin nga ai ten, shi a shingdu maga nye hkum hpe shi hkum hte mai byin ai daram kahtep nna shi hkum salu nsa hpe she lu marawp nga nngai... shi mung nsa sa ai loi mi lawan ai zawn zawn nga na lu ai...
Kalang lang mouse hpe shamu shamawt sharin nawng, hkra lata hte double click dip dat shagu shi na lata layung ni hte shi lata ting hpe n-gun mi alu di nna jum dip ya nna, nye pai maga lata gaw shi a pai maga lahpa ntsa mara da ai shaloi salum nsa she pru wa ai zawn nga hkam sha nngai...
(bai matut na nngai)
No comments:
Post a Comment