Galoi She

Galoi She
Doi,
N mu mat ai grai na mat sai i. N-gum La mare, Dap Ba (1) kaw rau magam gun nga ai ten hta Pro Team dabang kaw rau sha hkrum hkat ai le.
Doi hte Ka manawt shakyang ai ten ni, Doi hte Mahkawn shamawn ai aten ni, Doi hte rau dung jahta let madu mahkrawn tsun ai lam ni, Doi hte Yi Yang si mai hkan lahkawn ai ten ni, Doi hte rau ...........hkat ai lam ni grai shingran ai yaw.
Doi le, grai tsawm ai yaw.... grau nna Doi a gawng shing-yan hpe malap n lu ai le. Doi gaw Wunpawng shayi ajet nan re. Kaja nan si mani ai hte tsawra chye ai le. Masha hpe myit tau chye ai lam ni, masha hpe myit a-gam ja ai kyang ni a majaw grau tsawra nna malap n lu nngai yaw.
Langai mi sha tsang ai, Doi nang le, myit nau hkum mai lu yaw. Doi masha hpe kam ja ai mung ngai grai tsang ai. Ngai hte hkrum nna, ngai ra ai lam yawng hkraw ya ai, ngai sharawng ai hku galoi n ningdang ai hpe dum shagu, Doi hpe grai marit ai. Masha kaga ni hpe mung dai zawn hkraw ya na tsang nngai yaw.
Raitim, ngai kam ai, ngai gaw Doi hpe shawng ningnan hkumshan kayau ai La sha re ngu le. Hpa majaw nga yang, Doi hpe shawng kajam ai shani na mahkrum madup hpe malap n lu ai.
Doi hpe shawng ningnan kajam lu na matu ladat amyu myu shaw ai hpe myit san ai Doi gaw ngai shaw ai ladat kata kaw malu male she hkam sha ra ai i. Doi nni nhkri rai let, ngai galaw ai lam yawng hpe hkam la ai mung ngai hpe tsaw ra nna re ngu kam ai le.
Shawng ningnan lang na Doi hpe hpaw ai mahkrum madup gaw, kaga Num ni hpe kajam ai hte grai shai ai le. Doi gaw La n katut ga ai re majaw, n dum n dam she rai mat ai hpe grai shingran nngai.
Doi hte kanawn ai ten ram pyaw ai mahkrum madup n hkrum ga yu ni ai. Doi hpe grai marit ai yaw. Doi nang Dap Ba (3) de htawt mat ai ten kaw nna bai matut mahkai n lu mat sai le. Dap Ba (1) Brang gaw galoi mung lat nga ai yaw. Doi hpe she mu hkrup dat yang gaw, aten n tam, shara n lata, ahpum kajam dat she mayu ni ai.

Galoi She bai hkrum lu sana kun i, Shanglawt lu yang she kun?