Tsawra ai Mali Panlawng hti shawa ni hpang de akroi anoi tawngban dat nngai. Ndai laman Mungdan Magam a majaw n rau n htau byin mat ai majaw, lai wa sai ten na maubyin ni hpe aten dep n lu matut ka dan ai majaw, ngai na ra rawng ai lam rai sai law.
Manang wa AhDi a n lam yawn hkyen shiga hpe mung shana dat nngai. Shawnglam majan pa hta Mungdan a matu asak ap nawng lai wa sai hku re. Ndai shi a maubyin hpe shi tsun dan ai hpang, ngai na salum kata kawn galoi n mat nngai. Ndai Maubyin hte hpawn, manang wa AhDi hpe mung hkungga jaw dat nngai law. Ngwi pyaw Hparadisu de apyaw sha ningngai nga lu u ga akyu hpyi dat nngai.
.................................
AhDi a maubyin matut.....
Dai zawn... Lung Chuan manau poi hta gat dut ai ni, Manau nau ai ni, Concert madun ai ni, poi lamang amyu myu hte gumhpraw tam nga ai ni garu jawng nga ai ten, Manau wang kata na Hka Nawng makau Nam mali kata kaw gaw, salum htuk htak nna, rau dung nga ai AhDi hte AhLing gaw, langai hte langai a nsa sa ai nsen pyi she na lu na daram zim nga saga ai.....
