Mayu Kasha Hpe Dum Shagu (2)

Shana tup n mai yup sai. Hpayawng teng wan shadaw makau kaw labu shakrin, kata palawng n lawm ai T-shirt palawng hte nawn wam nawn wam rai nna nsa sa taw nga ai Ja Awn a hpraw san ai magyi shan ni hte hkum gawng shing yan gaw ngai hpe shana tup garim da sai nrai ni.
Ngai num hte seng nna mahkrum madup nga ai, raitim, dai zawn asak kaji nna, hpraw san tsawm ai shayi sha ni hte n kanawn ga yu nngai. Mu mung n mu ga yu ai. Kalang manang num ni hte kanawn yu ai ngu ai gaw, Dakkasu jawng JLH manaw manang ni hte shawa dap de sa woi yang hkan sa nna, manang ni galaw ai baw hkan galaw ai sha re. Hpa hkam sha ai lam mung n nga ai, grau nna gaw condom lang ra ai re majaw namchyim tuphkrak n lu la yu ai rai nga ai. Hkum shan laru hpe jahkring mi gan shazim la ai ram sha rai nga ai.
Bai nna, ngai na sumtsaw jan hte kanawn ga yu ai. Shi gaw ngai na shawng kaw mung sumtsaw lu ga ai re majaw, mahkrum madup nga ai. Shi she ngai hpe woi awn nna, galaw ging galaw mai ai baw ladat yawng hte atsam htum hkra galaw ga yu sai. Pyaw mung grai pyaw lai wa sai. Raitim, ya na zawn kalang mung n hkam sha ga yu ai le.
Awn........ shana tup kahtan kaw lata mara nna myit nga nngai... ngai gara hku wa di na i......
Awn hpe n lu kanawn nna gaw nye prat hta myit dik shara nga lu sana i... hpang jahtum kalang sha gaw myit mi adik di nna ahpum da mayu ai myit ni n chye tsun hkra rai sai.
Dai hku mung n mai na re.... anhte hpe she kam nna nta kaw jawng sa lung ai ma kasha hpe maw sha ai gaw n manu nhten!!!!!!!!!!..
Ngai hkrai amyu myu myit nna salum htuk htak nga nngai....
Jahpawt maga 4:00 AM hta she yup byin sam sai.. ...
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬________________________________
Kawk! Kawk! Kawk!!!
Ah................ grai yup sham nga yang she kadai wa chyinghka sa akawk nga sai kun!...
Yup su yup ma hte chyinghka sa hpaw dat ai shaloi gaw, n myit mada ai Ja Awn mung chyinghka sa kanawng hpaw ai hte hkrak, ngai hpang maga de ma’ja gumpye bang mat sai. Aga manam pyaw dik ai hkum sama wa i....
Ngai mung kajawng kaja hte jahkring mi gan ahpum dat kau ni ai.. ..
Dai shaloi... Awn gaw.. kaya mi man hte...
“Sorry... Agu... ah...... Agu n rawt shi ai shadu nna chyinghka hkindang mi n la da kun ngu kanawng dat ai.. Agu hpe shang jasu na hkyen nga ai re....”
“Hpa na mi Awn..”
“Ah Moi shaga shangun ai.. Grai jan lawng sai da..”
“Aw............. rai nga ai... ha.. ngut sai.. jawng hpang hkrat sai.... hkying 10 pyi htu sai gaw... Awn gaw jawng n sa ai i deng?”
“Dai ni bat kru ya le...”
“awwwwww...... rai nga...... n dum kau ai le..”
“Chyeju kaba yaw..” ngu nna, Awn a shapyi hpe masawp dat ya ni ai.. amyat htuk la ai ga le i.... Shi chyawm gaw hpa n chye ai mi man hte....
“N ra ai law... “ sha nga nna pru mat sai.. shi maidang shan pau pau re ai hpe sha hkru hkra azi yu la dat ni ai.
¬¬¬¬¬¬¬¬¬¬¬¬¬¬¬¬¬¬¬¬¬Shat sha ten hta.... Nu gaw ngai hpe lecture jaw sai....
“Ma Seng... nang gaw shana shagu grai jan du hkra wam hkawm ai gaw... n hkrak na re lu.. sa ra ai shara nga yang mung nta masha langai ngai hpe shana da ai baw re le...”
“mana mung nang grai jan du ai hpang she du wa ai da le....”
Awn chun sai rai nga ai... shi hpe yu dat ai shaloi gaw ngai hpe n yu gwi n yu gwi rai nna, shat sha masu taw sai... shi myit hta gaw katut sha u.. nga ai myi man nsam pru taw nga ai....
“Kalang manang she re law Nu.. manang ni na birthday party shaga da nna loi mi jan du mat ai..”
“kalang manang sha gaw n ga na re...... Awn tsun yang nang shana shagu grai hpang hkrat ai da le... ya na prat na ma ni wa i... birthday hkrai jahkrik .... bungli gaw n chye tam...”
Nu tsun ai yawng hpe hkam mana ra ni ai....... katut sha u yaw.. Awn.. nang hpe majoi gaw n da sai....
Dai shana mung hpang hkrat nna wa ai.....
Awn.. chyinghka sa hpaw sai... Hpayawng teng wan sha shatu lang nna pru wa ra ai.... miman nsam gaw ahtoi ahkyeng rai nna....
Shi chyinghka hpaw ai hte ngai na cycle gawt bang dat ai majaw hpayawng teng wan si mat sai...
“ha... n mu lu sai.... zaw naw hkat ra ai re wa.....” Awn a nsen
Nye matu maka kaja rai sai... shi makau kaw sa wa nna... shi hpe shingdu hku ahpum dat ni ai....
“nang hpa majaw Nu hpe ngai na lam ni majoi sa chun ai rai...”
Awn hkrit mat sam ai... hpa n chye tsun ai sha...
“n re law.. san nna tsun dan ai sha re... “
Ya du hkra shi gaw shi mara a majaw shi hpe sa ahpum dat ai sha shadu nga ai.... ngai hpa myit ai shi n chye shi nga ai....
“majoi shala ai re law... tsun u hpa n ra ai yaw... “ ngu nna shapyi kaw pup dat ya ni ai... (bai matut na nngai)

Mayu Kasha Hpe Dum Shagu (1)

Nye a shabrang prat ting hta nta masha ni n chye hkra rau kanawn lai wa sai mayu kasha hpe dum shagu, ya jang nan shi nga ai shara de lagat sa mat na zawn nga hkam sha nngai.
Anhte nta gaw Myitkyina, Manhkring Buga kaw rai nna, Manhkring Buga a sinna hkran maga de, wang kaba langai mi kata hpun shingnip ni a lapran wut nta dingsa kaba langai mi rai mali ai. Moi de nye Wa gaw Mung Masa la dingsa re ai hte maren sut masa mung loi mi chye tam ai madang kaw nga ai majaw ni nawn ai Nam mare hkan na jinghku jing-yu ni sa nga nna Jawng lung ai gaw dai ni du hkra rai nga ai.
Anhte nta kaw jawng sa lung ai kaw nna, Ja Awn, ngu ai mayu kasha hpe grai dum nngai. Ngai gaw Dakkasu jawng lung nga ai ten re majaw, nta npu kaw na Gawk langai mi hta ngai chyu yup ai. Ngai nau wam ai majaw, shana yup tung hkan wa ai shaloi chyinghka hpaw la n kam ai nga ai majaw nye Nu gaw nta npu kaw ngai hpe shara jaw da ai rai nga ai. Ngai yup ai gawk makau kaw Kamaing Kawng Ra mare kaw nna jawng sa lung ai mayu kasha Ja Awn mung gawk langai la da ai. Shi gaw Tsang 9 lung na matu anhte nta kaw sa nga ai rai nga ai.
Ngai gaw shana yuptung hkan shang wa ai ten, shi mung laika naw hti taw ai, ngai hpe wang chyinghka hpaw ya ai mung shi sha nga ai rai nga ai. Lani hte lani shi hte yuptung hpawa hkan rau kahtep hkrup ai ten ni hta, shi a hkum sama gaw ngai hpe grai nan gang da lu nga ai.
Lani mi, ngai shana hkying 11:00 PM hta bai wa ai shaloi, chyinghka mung kadai n hpaw la ai, dai majaw, chyinghka ntsa hku gau lung wa nna, npu gawk de shang wa ai shaloi, n myit mada ai sha Ja Awn yup ai gawk hpe mada yu hkrup dat shaloi gaw... nye masin salum ni majoi she htuk htak mat sai...
Ala...la...la... Hpayawng teng Wan shadaw sha shatu da nna... yupku ntsa kaw labu malu nna, kata palawng n lawm ai T-Shirt hte yup nga ai gaw....kaja nan Japan Num ni a sumla sha mu ga ai ngu yang kaja nan tsawm ai hpe shinggan kaw mi hte chyaw mu hkrup ni ai....shi a kata labu ahpraw hpe mung adan sha mu nna, hpraw san ai magyi shan ni.... kaw lakai sawn ai miman nsam ni.... laping lapau re ai hkum hkrang... nsa sa dat shagu nawn mam nawn wam byin nga ai sinda shan ni..... nye mi hpe kaga de n mai sa hkra rim kau ya sai... ngai mung kaning nan n chye sharang ai hte.. shi gawk kata de shang dat ni ai...ala la... hkum sama mung manam pyaw dik ai le.....hpa mi byin yang byin... ahpum hkrup dat na kachyi sha ra ai shaloi..
Shi kajawng rawt wa nna....
aw.. Ah Gu hpe chyinghka hpaw la na matu lat nga ai re wa yup mat ai le..
Hpa baw ra ai kun?.. Awn mung laika naw hti ra ai re wa..
Aw .. hpa n re law... wan shatu da nna yup nga ai majaw... wan sat kau da ya na ngu nna shang wa ai re...
sha ngu kau da ni ai...
raitim... nye kraw hta amyu mi nga kap nang mat sai... (bat matut na nngai)